IELTS One Skill Retake (OSR)

Дөрвөн чадварын гурав нь хангалттай, нэг нь л дутуу гарсан бол бүтэн шалгалтыг дахин өгөх шаардлагагүй. One Skill Retake-ээр зөвхөн тэр нэг хэсгийг дахин өгч, шинэ оноотой TRF авна.

Хэнд тохиромжтой вэ

Манай төвийн 204 OSR тохиолдлын дүн шинжилгээгээр OSR нь босго дээрээ ирсэн хүмүүст хамгийн үр дүнтэй байна. Нийт оноо 6.0–7.5 муждаа байгаа, хамгийн сул чадвар нь бусдаасаа 0.5–1.0 оноогоор хоцорсон хүн OSR-ыг хамгийн их ашигладаг.

Нөхцөл

• 60 хоногийн дотор. Анхны IELTS (компьютерээр) шалгалтаас хойш 60 хоногийн дотор OSR өгнө. Энэ хугацаа өнгөрвөл бүтэн шалгалт өгөх шаардлагатай.
• Зөвхөн нэг удаа, нэг чадвар. Listening, Reading, Writing, Speaking-ийн аль нэгийг сонгоно. OSR дээр дахин OSR өгөх боломжгүй.
• Компьютерээр өгсөн байх. Анхны шалгалт нь компьютерээр өгсөн IELTS байх ёстой.
• Шинэ TRF. Шинэ оноотой TRF олгогдоно. Хүлээн авах байгууллага OSR-ын дүнг хүлээн зөвшөөрдөг эсэхийг урьдчилан шалгаарай — бүгд адилхан биш.

Хэзээ, хэдэн төгрөг вэ

Манай төв OSR шалгалтыг 7 хоног бүрийн Пүрэв гарагт зохион байгуулдаг. Төлбөр нь 579,600₮ — бүтэн шалгалтаас хямд. Бүх үнийг Үнэ, хураамжийн хуудаснаас харна уу.

Хэрхэн захиалах вэ

Бүртгэлийн хуудсанд орж One Skill Retake-ийг сонгоод, дахин өгөх чадвараа зааж, Пүрэв гарагийн товоос сонгоно. Аль чадвараа сонгохоо эргэлзэж байвал бидэнтэй холбогдоорой — таны дөрвөн оноог хараад зөвлөнө.

Аль чадвар сул байгааг мэдэхгүй байна уу? Үнэгүй түвшин тогтоох тестээ өгөөд эхлээрэй, эсвэл оноо хэрхэн тооцогддогийг уншина уу.